तेजस्वींना भेटून ठाकरे नितीश कुमारांकडे, तिसरी आघाडी होणार का?

राज्यातील सत्ता संघर्षानंतर पहिल्यांदाच युवासेनेचे नेते आदित्य उद्धव ठाकरे हे आज (दि. 23) एक दिवसीय बिहार दौऱ्यावर गेले आहेत. या दौऱ्यादरम्यान आदित्य आणि बिहारचे उपमुख्यमंत्री तेजस्वी यादव यांच्यात भेट झाली. या दोन्ही युवा नेत्यांची भेट झाल्याने दोन राज्यांमध्येच नाही तर देशात याबाबत जोरदार चर्चा रंगली आहे. दरम्यान आदित्य ठाकरे बिहारचे मुख्यमंत्री नितीश कुमार यांनाही भेटले आहेत.  यावेळी आदित्य ठाकरे यांनी माध्यमांसोबत चर्चा केली. आदित्य यांच्यासोबत तेजस्वी यादवही होते.

तेजस्वी यादव यांची आणि माझी नेहमी चर्चा असते परंतु कोरोनामुळे आमची मागच्या काही काळात भेट झाली नाही. तेजस्वी यादव यांच्यासोबत बिहारचे मुख्यमंत्री नितीश कुमार यांचीही माझी भेट झाली आहे. या दोघांमध्ये दोन्ही राज्यातील विकासाच्या मुद्दावर आमची चर्चा झाली. यामध्ये पर्यावरण, राज्यातील उद्योगधंदे तसेच देशातील युवकांना रोजगार मिळण्यासाठी काय करता येईल याविषयावर आमची चर्चा झाल्याचे आदित्य म्हणाले. या देशात सध्या युवक बेरोजगार राहू नयेत तसेच महागाईवर काम करण्यसााठी आम्ही एकत्र आलो आहे.

Leave a Reply

Your email address will not be published. Required fields are marked *